სამშაბათი, 2017-11-21, 5:37 AM
BEST SITE
საიტის მენიუ
მინი-ჩეთი
300
ჩვენი გამოკითხვა
შეაფასეთ საიტი
სულ პასუხი: 236
სტატისტიკა

სულ ონლაინში: 2
სტუმარი: 2
მომხმარებელი: 0
შესვლის ფორმა
ცრუმორწმუნეობა

ხევსურების აზროვნება ჯერ კიდევ ცრუმორწმუნეობით არის გაჟღენთილი. ხევსურს სწამს უჩინარი და საიდუმლო ძალის არსებობა, რომელსაც შეუძლია კეთილისა და ბოროტის მიყენება. ამიტომ, მისი რწმენით, ამ უხილავ არსებათა კეთილგანწყობილების მოპოვების მიზნით საჭიროა სხვადასხვა ჯადოსნური წესების შესრულება, რათა ადამიანმა ამით მოიპოვოს ჯანმრთელობა და საქონლისა და ჭირნახულის დოვლათიანობა.

ასეთი წესების შესრულებას ხევსურეთში იწყებენ ახალი წლის შეხვედრით: ისინი ახალწელს წელწადს უწოდებენ.

წელწადს ხევსურები დიდი სამზადისით ეგებებიან. წინა დღით სახლსა და მის კარმიდამოს ასუფთავებენ და ყველანი ახალი ტალავარით იმოსებიან. ოჯახებში საახალწლო არაყს ხდიან, ხატში დასტურები ლუდს ხარშავენ.

დიასახლისი საახალწლო კვერებს აცხობს: ერთს დიდს სამეკვლეო კვერს აცხობენ, რომელზედაც გამოსახულია ჯვარი, კაცი, სახნისი, ხარი, ძროხა, ცხენი, ქერის თავთავი და სხვა. სამეკვლეო კვერს გამოცხობის დროს უცქერიან და, რომელიც გამოსახულებაც აიწევს, იმ წელიწადს ის იქნება მრავალი და დოვლათიანი. შემდეგ დიასახლისი ოჯახის ყველა წევრთათვის აცხობს ბედის კვერებს: თვითეულ ბედისკვერს თავისი ნიშანი აზის და, გამოცხობის დროს ვისიც აფუვდება, ის ბედიანი და ყისმათიანი იქნებაო.

ახალწლის საღამოს ოჯახიდან ხატში გზავნიან მეკვლეს, რომელსაც მიაქვს არაყი და წულის სანთლები, რამდენიც ოჯახში ქუდოსანია. მეკვლეს დაბრუნებამდე ოჯახიდან არავინ გავა. ხატში მისულ მეკვლეს ასე მიესალმებიან: „მოგავიხედ მშვოდობითა, ბევრს ამას ახალს წელსამც ილოცოვო, ერთს ამასაო, ათი ათას სხვასაო, პურიანსაო, წულიანსაო, სახელ-სარგებლიანსაო“. მეკვლე დარბაზში შედის და ღამე იქ რჩება. აქ ხუცი მეკვლეების მიტანილ არაყს სინჯავს და, ვისიც თავი არაყია, მას ხუცი სანამეტნაოდ ამწყალობებს.

გათენებისას ხუცი კვალის დასაჭერად დარბაზიდან კარში გადის, შემოიტანს თოვლს, ყვეოანი ფეხზე დგებიან, ხუცი მათ თოვლს გააყრის და იტყვის:

„ესრ თეთრდა აყვავდით!“ წელიმც კაისა გამოგეცვლებისთ, პურიან-წულიანი, სახელ-სარგებლიანი, მშვიდობისა და კარგად ყოფისა!“ ამაზე დარბაზში მყოფნი უპასუხებენ: „აგრემც შენ გამოგეცვლების ბევრ ახალი წელი, მშვიდობისა, კარგა ყოფისა, პურიან-წყლიანი!“ ყველანი ერთმანეთს დალოცავენ და არაყს შესვამენ.

მზის ამოსვლისას ხუცი დარბაზიდან ისევ გავა და დილის ზარს დარეკავს. დარბაზში მყოფი მეკვლენი გამწვრივდებიან, წილს ყრიან და, ვისაც წილი ერგება, პირველად ის გამოვა და სხვები მას რიგით მოჰყვებიან. დარბაზის გარეთ ლუდიანი ქვაბი დგას და ხუცი იხუცებს; შემდეგ ხუცი მეკვლეებს თითო თასს ლუდს შეასმევს და ბოთლებში საფუარ ლუდს ჩაუსხამს; ამის შემდეგ ყველანი თავიანთ ოჯახებში ბრუნდებიან.

ხატიდან დაბრუნებულ მეკვლეს სახლის კარებში დიასახლისი მიეგებება, მას ხმის გაუცემლად საფუარს ჩამოართმევს და სამეკვლეო კვერს გადასცემს; ამ კვერს მეკვლე სამჯერ სახლში შეაგორებს და იტყვის: „ჩემიმც კვალ კაზე დაგიჯდებისთ! პურიანი, წულიანი, სახელ-სარგებლიან, ერთ ეს წელი, ათიათას სხვაი, კარგად ყოფისა, კაცისა და საქონისაი!“ თუ კვერი ჯვარწაღმა დაეცა, ეს კარგი ნიშანია, თუ არადა ცუდია. ამ პურს დიასახლისი აიღებს და ცალკე შეინახავს. მეკვლე კერასთან მივა, მუგუზალს შეუჩინხლებს და, ნაპერწკლები რომ გასცვივა, ადამიანისა და საქონლის გამრავლებაზე დაილოცება, ბოლოს მეკვლე პირში საფუარს ჩაიყენებს, მას ადამიანსა და საქონელს შეასხამს და იტყვის:„აგრემც ახყვავდებით, აგრემც ახფუვდები!“ ყველას თავიანთ ბედის კვერებსაც დაურიგებენ.

ამის შემდეგ შინაურებისათვის კარები ღიაა და ოჯახის წევრებს შეუძლიათ კარში გამოსვლა, მაგრამ მესამე დღემდე მეზობლებთან მაინც ვერ მივლენ. მხოლოდ მეგობრის მოკითხვა შეიძლება; ამ მიზნით ოჯახის პატრონი მოიკაზმება ახალი ტალავარით, ხანჯლით, საცერულს თითხე იკეთებს, აიღებს არაყს და მივა მეგობრის ოჯახში. ის კარებს დაუკაკუნებს, მასპინძელი კარებშივე მიეგებება და ახალწლის მილოცვის შემდეგ იქვე სუფრას დაუდგამს; შინ კი ვერ შევლენ.

ძებნა
კალენდარი
«  ნოემბერი 2017  »
ორსამოთხხუთპარშაბკვ
  12345
6789101112
13141516171819
20212223242526
27282930
საიტის მეგობრები


















Copyright MyCorp © 2017