სამშაბათი, 2017-10-17, 5:52 PM
BEST SITE
საიტის მენიუ
მინი-ჩეთი
300
ჩვენი გამოკითხვა
შეაფასეთ საიტი
სულ პასუხი: 234
სტატისტიკა

სულ ონლაინში: 1
სტუმარი: 1
მომხმარებელი: 0
შესვლის ფორმა

ზევით ასწიეთ მზე, ზევით!

მზეს შევნატროდით, ვკვნესოდით,

ცრემლს ვღვრიდით შუაღამისას,

მხიარულება არ ჰქონდა

დაწყვეტილ სიმებს ჩანგისას.

მზეს შევნატროდით, მზე გვსურდა,

მზე ცხოველსხივებიანი,

თავისუფალი, ძლიერი,

ახალი - განგებიანი.

მზეს შევნატროდით და ისიც

გაბრწყინდა სასაფლაოზე,

დისკო-გადახრით აენთო

წყვდიადით მოცულ ქაოსზე.

ხელი ვკართ... ისევ ისევე

ცრემლებს ვღვრით შუაღამისას,

ისევ დუმილი ამწუხრებს

დაწყვეტილს სიმებს ჩანგისას.

მზეო, დაუდე საზღვარი

მწუხარე ფიქრთა ქროლასა,

“მზეო, ამოდი, ამოდი,

ნუ ეფარები გორასა”.

უსასოობა, სიკვდილი

ნადგურდება და იხრწნება,

სადაც კი შენი დიადი

ბორბალი ამობრწყინდება.

შორს ჩვენგან, ღამის წყვდიადო,

შორს, შორს, ბურუსო გრძნეულო,

თვალის ამხვევად შექმნილო

და ბორკილებად ქცეულო.

ჩვენ მზე გვსურს... ხალხო, შეერთდით,

ზევით ასწიეთ მზე, ზევით!

მის აღდგომასთან მნათობის

სხივებად გადავიქცევით!

1910

ძებნა
კალენდარი
«  ოქტომბერი 2017  »
ორსამოთხხუთპარშაბკვ
      1
2345678
9101112131415
16171819202122
23242526272829
3031
საიტის მეგობრები


















Copyright MyCorp © 2017