ხევსურეთი ერთ-ერთი ყველაზე ძველი ტრადიციების მქონე და, თუნდაც ამიტომ, ერთ-ერთი ყველაზე საინტერესო კუთხე გახლავთ. ამან განაპირობა მკვლევართა დიდი ინტერესი ხევსურეთისადმი.

ძმების—ნიკო და სერგი მაკალათიების სასახელოდ უნდა ითქვას, რომ მათ საპატიო ადგილი დაიმკვიდრეს ხევსურეთის (და საერთოდ საქართველოს) ეთნოგრაფიის შემსწავლელ მეცნიერთა შორის.

ხევსურეთი თავისი ყოფა-ცხოვრების პრიმიტივობით და ნივთიერი კულტურის არქაული ფორმებით კავკასიისა და, კერძოდ, საქართველოს მთიელებში წარმოადგენს ფრიად საინტერესო კუთხეს. ამიტომ ხევსურეთის გაცნობა, მისი შესწავლის მიზნით, დაიწყო ჯერ კიდევ მე-19 საუკუნიდან და ეს ინტერესი დღემდე არ შენელებულა.