სამშაბათი, 2017-12-12, 5:42 AM
BEST SITE
საიტის მენიუ
მინი-ჩეთი
300
ჩვენი გამოკითხვა
შეაფასეთ საიტი
სულ პასუხი: 236
სტატისტიკა

სულ ონლაინში: 1
სტუმარი: 1
მომხმარებელი: 0
შესვლის ფორმა


LONDON FASHION WEEK, I და II დღე (19-20 თებერვალი)

 
იმის მიუხედავად, რომ ლონდონში თითქოს მთელი წლის მანძილზე მოდის კვირეულია, ოფიციალური გახსნის წინ ქალაქმა საგრძნობლად იცვალა ფერი: შავ კეპებზე გაჩნდა ლოგოტიპი LFW, ქუჩებში აშკარად კვებისრეჟიმდარღვეული გოგონების ჯგუფები მომრავლდა, რესტორნებში სულ უფრო ხშირად უკვეთავდნენ ე.წ. ”გეი-მენიუს”, მოთხოვნაა სოიოს რძეზე, უკოფეინო ყავაზე, უყველო სენდვიჩზე და დიეტურ სალათებზე.

ინგლისური მოდა, როგორც ინგლისური განათლება, ქვეყნის ერთ-ერთი საექსპორტო ”საქონელია”. მერამდენე წელია მულტიმილიონიანი ინდუსტრიის მთავარი მოვლენა ბრიტანული მოდის საკონსულოს (British Fashion Council) პატრონაჟის ქვეშ ტარდება. გრანდიოზული თანხა მიდის იმ ღონისძიების პიარზე, რომელიც წელს 65 შოუსა და 45 პრეზენტაციას მოიცავს.

სეზონის მთავარი სიახლე - პირდაპირი ტრანსლაცია ანუ live streaming-ია, თანაც მხოლოდ ინტერნეტით კი არა, როგორც ადრე, მეტროშიც და Coca-Cola-ს გიგანტურ ეკრანზეც. მთავარი მოედანი, როგორც გასულ წელს, სომერსეტ ჰაუსია, რომლის ეზოში ერთი თვის წინ ციგურებით სრიალიც შეიძლებოდა.




ფოტოზე:  Paul Costelloe-ს ჩვენება

რაც შეეხება მოდას, პირველი დღის პირველი ჩვენება პოლ კოსტელოს ეკუთვნოდა (Paul Costelloe). ირლანდიელმა დიზაინერმა პარიზის სენტ-ონორეს მოედნითა და გვიანდელი 60-იანებით შთაგონებული კოლექცია წარმოადგინა. კაშკაშა ნარინჯისფერი პარიკებითა და სონია რაკელის ვარცხნილობით მოდელები ტვიდის პალტოებსა და კოსტიუმებში გამოვიდნენ პოდიუმზე.

ძმები გრიმების ზღაპრებით შთაგონებულმა Maria Grachvogel-მა ფსიქოდელურ-არისტოკრატული კოლექცია აჩვენა. შოუზე ნახავდით კუდიან კაბებს, პალტო-ხალათებს.

ფოტოზე: Maria Grachvogel-ის ჩვენება

LFW-ს პირველი დღე ინგლისელი საზოგადოების საყვარელმა PPQ-მარკის დიზაინერების კოლექციამ დაასრულა. ამ დროისთვის ლონდონში უკვე გვარიანად აცივდა და სტუმრებს შესამჩნევად გაულურჯდათ ტუჩები და კანი. ზოგმა ძლიერი სასმელის წრუპვა დაიწყო. თავად ჩვენება ე.წ. ”ქეთვუმენ”-ის დეფილე იყო ხავერდის კაბებითა და ბოტფორტებით r`n`b საუნდტრეკის ფონზე.

ფოტოზე:  PPQ-ს ჩვენება

მაინც ყველაზე საინტერესო და აქტუალური ლონდონში დღეს პოდიუმის მორთულობები და მოდელები კი არა, პოლიტიკური არენის გარდერობია. ყველა გაფაციცებით აკვირდება პრემიერ მინისტრის მეუღლეს სამანტა კემერონს და უფლისწულ უილიამისა და კეიტ მიდლტონის ქორწინების სამზადისს. მოდის კვირეულის პროგრამით გათვალისწინებულ ჟურნალ Another Magazine-ის ათი წლის იუბილეზე, ”ბინძური” რეპუტაციის ღამის კლუბ The Box-ში მეორე უფლისწული ჰარი გამოჩნდა.

ფოტოზე: წვეულება  The Box-ში, გადაღებული ფარული კამერით

მეორე ალტერნატიული წვეულება გაიმართა გაი რიჩის აგარაკზე.

მეორე დღე
Charles Anastase: ხლოე სევინის და კირა ნაიტლის ფავორიტმა დეფილესთვის ფრანგული ბალადა შეარჩია და პოდიუმზე დახლართულთმიანი სომნამბულური ნიმფები გამოიყვანა. მთავარი ჰიტი - ხავერდის კომბინიზონი, ბოტილიონები და, რა თქმა უნდა, კაბა-საღამური, როგორც ”როზმარის ბავშვში”. კასტინგის მთავარი სიახლე - კიეველი სუპერვარსკვლავი და style icon ნადია შაპოვალი.

ფოტოზე: Charles Anastase-ს ჩვენება

Jaeger London-ის კრეატიულმა დირექტორმა სტიუარტ სტოკდეილმა ძლიერი, კეთილშობილური და სავსებით ”ტარებადი” კოლექცია წარმოადგინა. საერთოდ, ეს მარკა თავისი ე.წ. statement coats-ებითაა ცნობილი. პალტოები აქ ათასნარი ელფერისაა - ქვიშისფერი, მდოგვისფერი, ანთრაციტული შავი, ზეთისხილისფერი და ალისფერიც კი. ჰიპერტროფირებული საყელოები და ჯიბეები - სტიუარტის ორიგინალური გადაწყვეტაა, ხოლო მაქსი პალტო-ფარაჯები – მომავალი ზამთრის სეზონის სუპერ-თრენდია.

ფოტოზე: Jaeger Londo-ის ჩვენება

ჯონატან უილიამ ანდერსონი (JW Anderson) – LFW-ს აბსოლუტური ფავორიტი და ერთადერთი დიზაინერია, რომელმაც აღიარება ისე მოიპოვა, რომ სენტ-მარტინსის კოლეჯში არ უსწავლია. სახელი თავისი ”აფრიკული კოლექციითა” და საკულტო caravan boots-ებით - ცხვირზე Swarowski-ს-თვლიანი ჩექმებით გაითქვა. 25 წლის ჯონატან უილიამი Liberty-სა და Harrods-ში იყიდება, მეგობრობს მიაუჩი პრადოსთან და ქალებისთვისაც ქმნის კოლექციას.  ”შესანიშნავი ანდერსონი”, როგორც მას ადგილობრივი პრესა უწოდებს, გიჟდება თავის ერთობ პოპულარულ ბლოგზე (http://jwanderson.wordpress.com/), რომელზეც საოცრად ლამაზ ვიდეოებს დებს კოლექციების მხარდასაჭერად. მისეული გოგონა ისაა, რომელსაც ”არ რცხვენია იმის ჩვენება, რომ შეყვარებულია”. კოლექციის იდეა: ”ჩაიცვა, როგორც შეყვარებულმა, გმირმა და მეოცნებემ”. სლოგანი: სირცხვილი არაა იყო მიამიტი, სირცხვილია, იყო მოსაწყენი!

ფოტოზე: JW Anderson-ის ჩვენების კულისებში, წყარო: http://jwanderson.wordpress.com/

House Of Holland-ის ჩვენებაზე მისაწვევი ”ბინგოს” ბილეთს ჰგავდა, თავად კოლეცია კი - ინგლისური სოფლის ცხოვრების პაროდიას. ჰიტი - ნაქსოვი მიდი- და მაქსიკაბები და კლოში შარვლები პრინტებით.

ფოტოზე: House Of Holland-ის ჩვენება

ლონდონის მოდის კვირეული 23 თებერვალს დასრულდება.

ძებნა
კალენდარი
«  დეკემბერი 2017  »
ორსამოთხხუთპარშაბკვ
    123
45678910
11121314151617
18192021222324
25262728293031
საიტის მეგობრები


















Copyright MyCorp © 2017