იტალიის ქალაქ ნეაპოლის მკვიდრმა, ანტონიომ, რომელსაც მალე 100 წელი შეუსრულდება, გადაწყვიტა, გაშორდეს ცოლს, 96 წლის როზას. მოხუცის ასეთი რადიკალური გადაწყვეტილების მიზეზი ღალატია, რომელიც 77 წლის წინ მოხდა. ანტონიომ უჯრაში ცოლის სასიყვარულო ბარათები აღმოაჩინა და, როგორც ჭეშმარიტმა იტალიელმა, შეურაცხყოფა ვერ აიტანა. მან სასამართლოს განქორწინების შესახებ უკვე მიმართა.

ანტონიო სახლიდან რამდენიმე წლის წინაც წავიდა, რადგან ცოლთან გამუდმებით დაძაბული ურთიერთობა აქვს, თუმცა, მის გარეშე ორი დღეც კი ვერ გაძლო და უკან დაბრუნდა. ცოლ-ქმარს 5 შვილი, 12 შვილიშვილი და 1 შვილთაშვილი ჰყავს.

ადრე მსგავსი შემთხვევა ინგლისშიც მოხდა, როცა სასამართლოში განქორწინების თხოვნით სარჩელი 98 წლის მამაკაცმა შეიტანა და 36 წლის თანაცხოვრების შემდეგ ცოლს გაშორდა.