ორსულობის I ტრიმესტრში ქალის სექსუალობის დონე დაბალია, რაც გამოწვეულია მიმდინარე ტოქსიკოზით და სხვა თანამდევი მოვლენებით, აგრეთვე მუცლის მოშლის შიშით. II ტრიმესტრიდან ქალის სექსუალური აქტივობა იმატებს და სექსიც უფრო უსაფრთხო და დასაშვებია. ამ კვირაში თქვენი პატარა უკვე შესამჩნევად გაიზარდა და იგი ახლა 420 გრამია და 27.5 სანტიმეტრია სიგრძეში. ნაყოფს გამოკვეთილად ამჩნევია წარბები. დედიკოებო, ახლა თქვენ ცოტცოტაობით იმატებთ წონაში. ამიტომ არ გაწყენდათ პატარ-პატარა ვარჯიშებიც. მოიფიქრეთ თქვენთვის ხელსაყრელი რამოდენიმე ვარჯიში – (მაგალითად კისრისა და კიდურების) და ივარჯიშეთ დაღლილობის დროს.
პატარას თვალები სრულად ჩამოყალიბდა, ასევე კბილებისთვის ღრძილები, კანი ისევ დაფარულია რბილი და ნაზი ბალნით. ბავშვის განვითარება და ზრდა გრძელდება.
დედიკოებო თქვენი მუცელი მაგნიტივითაა და ყველა გარშემომყოფთა ხელებს იზიდავს თავისკენ, რიგ შემთხვევაში ორსულთა დიდ ნაწილს ეს აღიზიანებს და თავის არიდებას ცდილობენ. თუმცა ნუ გაგიკვირდებათ ხალხის ყურადღება, ყველას აინტერესებს ბაიას დარტყმების შეგრძნება, ყველა გახარებულია და კეთილგანწყობილი. ასე რომ თქვენც გაიღიმეთ და გახალისდით, ეს ულამაზესი პერიოდია ყველა დედისთვის. თუ თქვენ შეამჩნიეთ სტრიები მუცელსა და მკერდზე, ნუ შეგეშინდებათ ეს კანის დაჭიმულობის შედეგია.
მისგან თავის დასაცავად საუკეთესო საშუალებაა კანის მუდმივი მასაჟი და დამარბილებელი და დამატენიანებელი საშუალებების გამოყენება, რაც ხელს შეუწყობს კანის წელვადობის და ელასტიურობის გაზრდას, შესაბამისად თავიდან ავიცილებთ სტრიების წარმოშობას.
რჩევები მამიკოებს - ვარჯიშები და განტვირთვა თქვენც არ გაწყენდათ, ცოტათი თუ გაერთობით, ამით სასიცოცხლო ძალებს აღიდგენთ და მეტი შემართებით გააგრძელებთ ძირითად საქმიანობას.
