სამშაბათი, 2019-06-25, 6:27 AM
BEST SITE
საიტის მენიუ
მინი-ჩეთი
300
ჩვენი გამოკითხვა
შეაფასეთ საიტი
სულ პასუხი: 248
სტატისტიკა

სულ ონლაინში: 1
სტუმარი: 1
მომხმარებელი: 0
შესვლის ფორმა
* * *

როგორ მოვუაროთ ზამთარში სახის კანს

ზამთარში სახის კანს განსაკუთრებული მოვლა სჭირდება. რომ არ გამოშრეს, საჭიროა მისი კვება. თუ ძალიან დაკავებული ბრძანდებით და კოსმეტოლოგიურ კაბინეტისთვის არ გცალიათ, ფარხმალს ნუ დაყრით. ჩვენ გთავაზობთ ნიღბებს, რომელთა მომზადება სახლის პირობებშიც შეგეძლებათ.

ნიღაბი მშრალი კანისთვის:
2 ჩ/კ ხილის წვენი (ვაშლი, ლიმონი, გრეიფუტი)
ნახევარი კვერცხის გული
2ჩ/კ ცხიმიანი ხაჭო
1ჩ/კ მცენარეული ზეთი

ინგრედიენტები აურიეთ, მიღებული მასა წაისვით სახეზე და გაიჩერეთ 20 წუთი, შემდეგ თბილი წყლით ჩამოიბანეთ სახე და წაისვით მკვებავი ნელსაცხებელი.

ნიღაბი ნორმალური კანისთვის:
1ცალი - კვერცხის გული
1ჩ/კ – გლიცერინი
1ცალი გახეხილი ვაშლი

ინგრედიენტები აურიეთ, მიღებული მასა წაისვით სახეზე და გაიჩერეთ 20 წუთი, შემდეგ თბილი წყლით ჩამოიბანეთ სახე და წაისვით მკვებავი ნელსაცხებელი.

კეფირის ნიღაბი ნორმალური კანისთვის:

1ს/კ კეფირი
1ს/კ გერკულესი

ინგრედიენტები აურიეთ, მიღებული მასა წაისვით სახეზე და გაიჩერეთ 20 წუთი, შემდეგ თბილი წყლით ჩამოიბანეთ სახე და წაისვით მკვებავი ნელსაცხებელი.

კეფირის ნიღაბი ცხიმიანი კანისთვის:
1ს/კ-კეფირი
1ს/კ-ხაჭო

ინგრედიენტები აურიეთ, მიღებული მასა წაისვით სახეზე და გაიჩერეთ 20 წუთი, შემდეგ თბილი წყლით ჩამოიბანეთ სახე და წაისვით მკვებავი მალამო.

დამცავი კრემი მშრალი და ნორმალური კანისთვის:

1ჩ/კ სპერმაცეტული ნელსაცხებელი
1ჩ/კ თუთიის ნელსაცხებელი
1ჩ/კ ზეითუნის ზეთზე დამზადებული)

ინგრედიენტები აურიეთ, მიღებული მასა წაისვით სახეზე და გაიჩერეთ 20 წუთი, შემდეგ თბილი წყლით ჩამოიბანეთ სახე და წაისვით მკვებავი ნელსაცხებელი.

* * *

როგორ წავისვათ კრემი სწორად (პატარა ხრიკები)

სახის ყოველდღიური მოვლა დამატენიანებელი კრემის წასმასაც უნდა მოიცავდეს. მაგრამ თავად კოსმეტიკური საშუალების უნარის - გააუმჯობესოს კანის მდგომარეობა - გარდა, ძალიან მნიშვნელოვანია მისი სწორად წასმა.

მას შემდეგ, რაც საჭირო რაოდენობას წაისვამთ, აუცილებელია მისი კანში შეზელა, რომ კანმა შეიწოვოს და მასზე ნიღაბივით არ დარჩეს.

პირველ რიგში, თქვენი ხელები აუცილებლად სუფთა უნდა იყოს. დაიდეთ დამატენიანებელი ხელზე და ოდნავ გაგლისეთ. ეს მასას გაათბობს (ყველა კრემს ხომ მაცივარში ვინახავთ). შემდეგ ხელის გულები ისე მიიდეთ ლოყებზე, რომ კრემი მათზე დარჩეს, შემდეგ კი თითის ბალიშების წრიული მოძრაობით შეიზილეთ ლოყებზე.

კრემის მორიგი ულუფა ცხვირის ფუძიდან ქვევიდან-ზევით, ცხვირიდან-საფეთქლებისკენ ისეთივე მოძრაობებით შეიზილეთ.

უშუალოდ თვალის ქვეშ სახის დამატენიანებელი კრემის წასმა არ შეიძლება, ამისთვის საგანებო საშუალებები არსებობს.

საფეთქლებიდან გადადით შუბლზე. თითებით (ხელი გულები ჰორიზონტალურ მდგომარეობაშია) შუბლის შუიდან საფეთქლებამდე შეზილეთ კრემის ნაწილი.

შემდეგ გადადით პირის მიდამოებზე (ხელის გულები ვერტიკალურ მდგომარეობაშია) და თითის ბალიშებით ზედა და ქვედა ტუჩის გასწვრივ განაგრძეთ კრემის შეზელა.

გადადით ნიკაპზე. ხელის გულის ზურგის მხრიდან ნიკაპის სიგრძეზე მსუბუქი მოძრაობებით შეზილეთ კრემი. ეს ერთგვარი მასაჟიციქნება.

არ დაგავიწყდეთ კრემის ყელზე და დეკოლტეს მიდამოებში წასმა! დაიმახსოვრეთ, რომ პროფესიონალი კოსმეტოლოგის როლში შედიხართ და თქვენი ხელები არ უნდა გაჩერდეს, სანამ საქმეს ბოლომდე არ მიიყვანთ.

კრემის წასმის ასეთი მეთოდი ხელს შეუწყობს არა მარტო მის კარგად შეზელას კანში, არამედ გააუმჯობესებს სისხლის ცირკულაციას და გააძლიერებს მის მოდინებას ზედაპირული ფენებისკენ. თუკი ასეთი პროცედურის ჩატარების დრო ყოველდღიურად არ გაქვთ, წესისამებრ კრემის წასმა კვირაში 1-2-ჯერ მაინც მოახერხეთ.

* * *

სილამაზე ქალებისთვის ჯანმრთელობაზე მნიშვნელოვანია

კოსმეტიკური საშუალებებისა და იმ მომსახურების მიმართ, რომლებიც ცხოვრების ჯანსაღ წესს უკავშირდება, ქალის დამოკიდებულების შესასწავლად მეცნიერებმა კვლევა ჩაატარეს.

გამოკითხვაში დიდ ბრიტანეთში მცხოვრები 13-დან 65 წლამდე ასაკის ქალბატონები მონაწილეობდნენ.

აღმოჩნდა, რომ ქალები მეტი ხალისით ფულს იმ საშუალებებში იხდიან, რომელთა დახმარებით ახალგაზრდულად გამოიყურებიან. ნაკლებს იხდიან სამკურნალო პროცედურებსა და დიეტურ კვებაში, რომელიც თავისდათავად ახალნგრძლივებს ახალგაზრდობას.

გამოდის, უფრო მონდომებით იხარჯება ფული დეკორატიულ კოსმეტიკაში, თმის მოვლის საშუალებებში, ავტოგასარუჯსა და მაკიაჟში. მხოლოდ ნახევარზე ნაკლები ყიდულობს რეგულარულად დიეტურ პროდუქტს.

ზემოთქმული ციფრებით ასე გამოისახება: ინგლისელი ქალბატონი სილამაზისთვის საშუალოდ 340 ფუნტს ხარჯავს, ჯანმრთელობაში კი 230-ი ემეტება.

სპეციალისტები შეახსენებენ ქალბატონებს, რომ ახალგაზრდული იმიჯის დაცვა სულაც არ ნიშნავს, რომ ახალგაზრდა და ჯანმრთელი ხარ. კარგი აღნაგობა და მოვლილი გარეგნული იერი კი სულაც არ არის ჯანმრთელი ორგანიზმის უტყუარი ნიშანი.

* * *

რომელ დაავადებებს კურნავს ცეკვა


თუნდაც ძალიან იღლებოდეთ სამსახურში და გეჩვენებოდეთ, რომ არანაირი ცეკვისთვის დრო არ არის, მაინც სცადეთ კვირაში ერთხელ ცეკვის გაკვეთილზე მისვლა. ძველი ინდოელები ამბობდნენ: ცეკვა თავად ცხოვრებააო და ტყუილადაც - არა. ცეკვას ისე, როგორც სხვას არაფერს, შეუძლია, სასიცოცხლო ენერგიით აავსოს და ახალი ფერები შემატოს თქვენს ცხოვრებას.

ცეკვა ვახშმად და სადილად
დიდი ხანია წამლადაა აღიარებული, რადგან განწყობის გაუმჯობესების გარდა, სერიოზულ დაავადებებსაც კურნავს. ს. ესენინის მუზა, მშვენიერი აისიდორა დუნკანი ტერმინ ”ფსიქოფიზიკის” გაჩენამდე გაცილებით ადრე ირწმუნებოდა, ადამიანის სულიერი მდგომარეობა მის ფიზიკურ მოძრაობებთან პირდაპირ კავშირშიაო. სხვა სიტყვებით რომ ვთქვათ, გარკვეული სახით მოძრაობებით ადამიანს თავის სულიერ მდგომარეობაზე გავლენის მოხდენა შეუძლია.

ცეკვის დროს ადვილად იხსნება არა მარტო კუნთოვანი დაძაბულობა, ნათლდება ცნობიერება, უმჯობესდება ემოციური მდგომარეობა და ინტელექტუალურ უნარებს. განსაკუთრებით სასარგებლო ცეკვა მათთვისაა, ვინც მიეჩვია ნეგატიური ემოციების დაგროვებას და მათთან განშორება გარშემომყოფებისათვის რისკის გარეშე არ შეუძლია. ცეკვა გამოგიყვანთ დეპრესიიდან და სამყაროს ახლებურად დაგანახებთ.

იშემიური დაავადებების რისკის შემცირება, ნივთიერებათა ცვლისა და იმუნიტეტის ნორმალიზაცია, ძვლების გამაგრება, ოსტეოპოროზისა და მოტეხილობების რისკის შემცირება, ბრონქიტების გაქრობა, ასთმის მიმდინარეობის შემსუბუქება, სიარულის მანერის, წელის დაჭერის, აღნაგობისა და მოქნილობის გაუმჯობესება - ესაა ცეკვისგან მიღებული დადებითი ეფექტების მცირედი ჩამონათვალი.

ცეკვის დაწყება არასდროსაა გვიან. უკუჩვენებებიც პრაქტიკულად არ არსებობს - უბრალოდ ისეთი სახეობის შერჩევაა საჭირო, რომელიც სწორედ თქვენთვის იქნება შესაფერისი, და თუ რამე ქრონიკული დაავადება გაქვთ, მეცადინეობების დაწყებამდე აუცილებლად გაიარეთ კონსულტაცია ექიმთან და ცეკვის მასწავლებელთან იმისთვის, რომ ოპტიმალური ფიზიკური დატვირთვა განისაზღვროს.

აქვე დავსძენთ, რომ სამწუხაროდ, მასალა იმაზე, თუ კონკრეტულად როგორ ზემოქმედებს ტრადიციული ქართული ცეკვა ადამიანის ჯანმრთელობასა და განწყობაზე, ვერ მოვიპოვეთ.

სალსა, ვალსი, ფოქსტროტი…
არსებობს უამრავი საცეკვაო სკოლა. შეგიძლიათ ის აარჩიოთ, რაც ტემპერამენტით უფრო მოგიხდებათ და სარგებელი უზარმაზარი იქნება. ცეკვის არჩევა თერაპევტული მიზნის მიხედვითაც შეიძლება.

სტილი ”ლათინო” დღეს ძალიან პოპულარია. მამბა, რუმბა, ჩა-ჩა-ჩა, სალსა - ნებისმიერ წვეულებაზე ყურადღების ცენტრში მოგაქცევთ. ფიგურასაც მალე შეეტყობა, რადგან მოძრაობების განსაკუთრებულობა ისაა, რომ ცეკვაში ჩართულია მენჯის კუნთები და თეძოები. შედეგად — მენჯისა და თეძოების სახსრები ვარჯიშდება, უმჯობესდება სისხლის მიმოქცევა მცირე მენჯის არეალის ორგანოებში, ხდება გინეკოლოგიური და სექსუალური დარღვევების, ხერხემლის სარტყლის მონაკვეთის დაავადების პროფილაქტიკა. ლათინური ცეკვები ადვილად უმკლავდება დეპრესიას.

ფლამენკო კარგია ოსტეოქონდროზის სამკურნალოდ. მეცადინეობების დროს დიდი ყურადღება ეთმობა ტანის დაჭერას. ეს ამაგრებს წელის კუნთებს, აყალიბებს მეფურ დგომას, ხსნის გულმკერდს და მხრებს.

არაბული ცეკვები ყველაზე ამაღელვებელი და სასარგებლოა ქალებისთვის. მუცლის ცეკვა მხოლოდ თავისი ფაქიზი ეროტიზმით არაა მიმზიდველი. ეს მოძრაობა განსაკუთრებულად ამუშავებს მუცლის ყველაზე ღრმა კუნთებს და დიაფრაგმას. ცეკვის დროს შინაგანი ორგანოების მსუბუქი მასაჟი, ნაწლავის მუშაობის სტიმულირება ხდება. მუცლის ცეკვა გინეკოლოგიური დაავადებების მშვენიერი პროფილაქტიკაცაა. მუშავდება ხერხემლის ყველა მონაკვეთი, რაც სხეულს საოცრად მოქნილსა და პლასტიკურს ხდის. მაგრამ ეს ყველაფერი არაა - როგორც ამბობენ, აღმოსავლური ცეკვები ისეთ ქალებსაც კი განაცდევინებენ ძლიერ ორგაზმს, რომლებიც თავს ფრიგიდულებად მიიჩნევენ.

ინდური ცეკვები კარგი ფსიქოთერაპევტული ეფექტის გარდა, ეხმარება დიაბეტით, ჰიპერტონიითა და ართრიტის სხვადასხვა ფორმით დაავადებულ ადამიანებს. მკურნალობს არტერიულ ჰიპერტონიას.

კელტური ცეკვები რეკომენდებულია სქოლიოზისა და ლორდოზის დროს. ასწორებს ფეხის ფორმას. ფეხების მკვეთრი, ძლიერი მოძრაობები და ზურგის სწორად და უძრავად დაჭერის აუცილებლობა პრაქტიკულად ყველა კუნთს ამუშავებს. მაგრდება ფეხებისა და თეძოების დუნდულა ნაწილები, ვარჯიშდება გულსისხლძარღვოვანი და სასუნთქი სისტემა.

ფოქსტროტი ალცჰეიმერის ავადმყოფობის გაჩენას აფერხებს, რაც ამერიკელი მეცნიერების კვლევებით დასტურდება. განსაკუთრებით სასარგებლოა ხანდაზმული ადამიანებისთვის.

ვალსი — ყველაზე ნაზი და რომანტიკული ცეკვა. მისი შესრულება ნერვულ სისტემას აძლიერებს, დადებითად ზემოქმედებს ტვინის მუშაობაზე, ავარჯიშებს ვესტიბიულარულ აპარატს და ღრმა ჰარმონიისა და კმაყოფილების გრძნობა მოაქვს.

 
* * *

ვაშლის ნიღბები

ვაშლის ნიღაბი ყველა ტიპის კანს უხდება, მაგრამ აქ მშრალი კანისთვის გათვალისწინებულ რამდენიმე ვარიანტს გაგაცნობთ:

1. გათლილი ვაშლი კუბიკებად დაჭერით და რძეში ფაფის მიღებამდე ხარშეთ. მიღებული მასა გახეხეთ და გაგრილება დააცადეთ. თბილი ნიღაბი დაიდეთ სახეზე 15-20 წუთით, ჩამოიბანეთ გრილი წყლით. ასეთი ნიღაბი არბილებს და კვებავს მშრალ კანს.

2. ერთი საშუალო ზომის ვაშლი გათალეთ და წვრილად გახეხეთ, აურიეთ ერთ ახალდადებული კვერცხის გულს. მიღებული მასა დაიდეთ სახეზე და 15-20 წუთის შემდეგ თბილი წყლით ჩამოიბანეთ. ნიღაბი კვებავს და წმენდს კანს.

3. გათალეთ ვაშლი, გახეხეთ, მასას დაუმატეთ 1 სუფრის კოვზი ზეითუნის ზეთი და 1 ს.კ. არაჟანი. კარგად მოურიეთ. მიღებული ნიღაბი კანზე 15 წუთით დაიდეთ და ჩამოიბანეთ თბილი წყლით.

4. ერთი გათლილი ვაშლი და სტაფილო გახეხეთ, დაამატეთ 3 ს.კ. კეფირი, აურიეთ. დაიდეთ სახეზე. ჩამოიბანეთ 15-20 წუთის შემდეგ გრილი წყლით. ნიღაბი კვებავს, არბილებს და აახალგაზრდავებს კანს.

5. გახეხეთ ნახევარი ვაშლი, დაამატეთ 1 ს.კ. თაფლი, 1 კვერცხის გული, 1 ჩ.კ. ძმარი და 1 ჩ.კ. ზეთი. ნარევი კარგად აზილეთ და დაიდეთ 15 წუთით, შემდეგ გრილი წყლით ჩამოიბანეთ. ნიღაბი ათეთრებს, კვებავს და ატენიანებს მშრალ კანს.

ვაშლის ნიღბები დადებითად ზემოქმედებენ კანზე და არა მხოლოდ სახეს არამედ კისერსა და მკერდზეც მისაღებია. მდიდარი ქიმიური შემადგენლობის წყალობით, ვაშლის ნიღბები და ლოსიონები ათეთრებს, არბილებს, კვებავს, ამკვრივებს, აახალგაზრდავებს კანს.

ნიღბებისთვის გამოიყენება მხოლოდ მწიფე და ახალი ხილი. ნიღბის დადებამდე გაწმინდეთ კანი და გაიკეთეთ დამატენიანებელი კომპრესი. ნიღბის ჩამობანის შემდეგ კი შეიძლება მკვებავი კრემის წასმა. ვაშლის ნიღბის გაკეთება დასაშვებია კვირაში 2-3-ჯერ.

ძებნა
კალენდარი
«  ივნისი 2019  »
ორსამოთხხუთპარშაბკვ
     12
3456789
10111213141516
17181920212223
24252627282930
საიტის მეგობრები


















Copyright MyCorp © 2019